(A fyddech cystal â nodi fod Llywodraeth Cynulliad Cymru wrthi yn awr
yn diwygio’r drefn gynllunio yng Nghymru. Fodd bynnag, fe fydd y
manylion hyn yn dal yn berthnasol nes bod y dulliau gweithredu
newydd yn dod i rym.)
Caniatâd cynllunio a pholisi cynllunio
Unwaith y bydd caniatâd cynllunio yn cael ei roi, mae hynny’n dileu’r
angen am drwydded gwympo, ac hefyd yn dileu’r diogelwch a roddir gan
orchmynion gwarchod coed, neu unrhyw ddynodiadau eraill o ran hynny.
Mae’r drefn gynllunio’n bwysig, ac mae’n hanfodol i ddeall sut mae’n
gweithio. Mae’r rhan fwyaf o’r bygythiadau i goetir y mae Coed Cadw
(the Woodland Trust) yn deilio gyda nhw yn ymwneud â cheisiadau
cynllunio am ddatblygiadau sy’n effeithio ar goedlannau hynafol,
parcdir neu goed hynafol unigol.
Mae’r drefn gynllunio yn gweithio law yn llaw gyda’r drefn
trwyddedau cwympo. Nid oes angen caniatâd cynllunio ar gyfer cwympo
coed neu glirio tir, ynddo eu hunain. Yr unig ffordd i awdurdod
cynllunio atal hynny rhag digwydd fyddai trwy gyflwyno gorchymyn
gwarchod coed brys. Fodd bynnag, mae trwydded cwympo yn
angenrheidiol weithiau er mwyn cwympo coed.
Mae yna ddwy ochr i’r drefn gynllunio: polisi cynllunio a rheolaeth
ddatblygu.
- Mae Polisi cynllunio yn cael ei gynhyrchu gan lywodraeth ganolog,
ranbarthol a lleol, i lywio datblygiadau yn y dyfodol mewn ffordd
drefnus a chydlynol.
- Mae awdurdodau lleol yn deilio gyda cheisiadau cynllunio unigol,
ac mae’n rhaid iddyn nhw wneud penderfyniadau o fewn fframwaith a
osodir allan gan bolisi cynllunio.
Mae datblygiad caniataëdig yn cynnwys
rhai mathau o ddatblygiad sydd ddim angen cais cynllunio o dan
reolaeth datblygiad.
Fe all rheolaeth datblygiad dros fineralau, gwastraff a
thrafnidiaeth cael ei weithredu gan awdurdod cynllunio gwahanol o
fathau eraill o ddatblygiad, neu fe all gael ei weithredu gan yr un
gorff, yn achos awdurdodau unigol (gweler Ceisiadau Mineralau)
Mae “Datblygiad” yn cynnwys gwaith adeiladu, a newidiadau yn nefnydd
adeiladau neu dir.
Cyfarwyddyd polisi cynllunio cenedlaethol
Mae
Polisi Cynllunio Cymru (PCC) yn darparu egwyddorion sylfaenol
cynllunio yng Nghymru. Fe ddylai cynlluniau datblygu lleol
adlewyrchu’r polisïau a amlinellir yn y ddogfen hon. Mae Polisi
Cynllunio Cymru yn darparu’r diogelwch cryfaf i goetir hynafol mewn
unrhyw wlad o fewn y DU, gan ddatgan: “Mae coetiroedd hynafol a
lled-naturiol yn gynefinoedd na ellir eu hadfer sy’n werthfawr iawn
am eu bioamrywiaeth a dylid eu diogelu rhag datblygiad a fyddai’n
achosi difrod sylweddol.” Mae’n datgan hefyd: “Fe ddylai awdurdodau
cynllunio lleol geisio diogelu coed, grwpiau o goed ac ardaloedd o
goetir lle mae ganddyn nhw werth treftadaeth, neu lle maen nhw’n
cyfrannu at gymeriad neu fwynderau ardal arbennig” (PCC paragraff
5.2.8).
Cynlluniau datblygu lleol
Mae yna 22 sir unedol a thri awdurdod parc cenedlaethol sydd i fod
wedi paratoi cynlluniau datblygu unedol (CDUau) ar gyfer eu
hardaloedd. Mae’r rhain yn darparu fframwaith y dylid ystyried
ceisiadau unigol ynddo fe.
Beth allwch chi wneud
Fel arfer, cynhyrchir CDUau mewn ffurf drafft ymgynghorol, (gydag
adroddiad pynciau cyn hwn, neu yn lle hwn yn aml iawn) cyn cyhoeddi
ddrafft ffurfiol i’w archwilio. Ar ôl cyfnod ymgynghorol, fe fydd yr
awdurdod cynllunio yn ystyried unrhyw sylwadau a wnaed, ac fe all
gyhoeddi newidiadau arfaethedig er mwyn ceisio cwrdd ag o leiaf rhai
o’r gwrthwynebiadau, ac wedyn cyhoeddi drafftiau canlynol (ail
ddrafftiau i’w harchwilio).
Os ydych chi’n pryderi am ddatblygiad arbennig, rhaid darganfod yn
gyntaf pa gam mae’r CDU wedi cyrraedd. Os oes modd eto i roi
sylwadau i fewn ynglŷn â’r datblygiad, gorau po gyntaf. Fe allwch
fwydo sylwadau i fewn fel rhan o’r broses ymgynghorol ffurfiol a
osodwyd allan gan y cyngor.
Rhaid i chi ddarganfod beth yn union yw’r cynigion datblygu a
amlinellir yn y cynllun. Fe fydd hi’n ddefnyddiol hefyd i ddarganfod
hefyd pa ddiogelwch a roddir i goetir hynafol o dan y cynllun
datblygu, gan sicrhau ei fod yn rhoi diogelwch priodol, yn unol â
PhCC. Os yw’r datblygiad yn groes i’r cynllun datblygu, neu i
bolisïau sy’n rhan o’r cynllun, fe fydd hyn yn cryfhau eich ymgyrch.
Os ydy’r datblygiad wedi cael ei gymeradwyo yn y cynllun blaenorol,
ac os ydy’r tir wedi cael ei ddynodi ar gyfer y defnydd hwnnw, fe
fydd rhaid i chi gymryd rhan yn y “drefn rheoli datblygiad”, trwy
wrthwynebu ceisiadau cynllunio arbennig (gweler
Caniatâd cynllunio am ragor o
fanylion).
Fe ellwch roi sylwadau ar gynlluniau datblygu hyd yn oed os nad
ydych yn pryderi am ddatblygiad cynllunio arbennig. Trwy sicrhau fod
y cynllun yn cynnwys y polisïau diogelwch posibl ar gyfer coetir a
choed, fe ellwch wneud pethau’n anos i ddatblygiadau allai arwain at
ddinistrio coetir. Wrth roi sylwadau ar gynlluniau datblygu, fe
allwch gyfeirio at bolisi cynllunio cenedlaethol.
Eisiau darganfod mwy?
- Fe ddylai fod yna fwy o wybodaeth am y CDU ar wefan eich cyngor
lleol, yn swyddfa gynllunio’r cyngor, neu yn eich llyfrgell leol.
-
Mae'r dogfen Cynlluniau Datblygu Unedol Arweiniad i'r Gweithdrefnau ar
gael o
dudalen CDU gwefan y Cynulliad Cymreig, ynghyd â rhagor o
wybodaeth ddefnyddiol am CDUau yng Nghymru.
Darnau perthnasol eraill
Ymwadiad. Mae’r wybodaeth hon wedi’i seilio ar
brofiad Coed Cadw (the Woodland Trust) a’r Fforwm Coed Hynafol wrth drin
achosion yn ymwneud â choetir a choed o dan fygythiad. Bwriad y wefan
hon yw ehangu dealltwriaeth o’r broses, ond nid yw Coed Cadw na’r Fforwm
Coed Hynafol yn derbyn cyfrifoldeb am unrhyw wallau neu fylchau neu am
unrhyw golled sy’n deillio o ddefnydd y wybodaeth a gynhwysir yn y wefan
hon i bersonau eraill. Os ydy unigolyn yn gweithredu y tu allan i’w
wybodaeth neu’i alluoedd, fe ddylai bob amser chwilio am gyngor person
proffesiynol gyda chymhwyster priodol, fel arolygwr neu gyfreithiwr, yn
dibynnu ar yr achos. Ni ddylid ddibynnu yn llwyr ar unrhyw wybodaeth ar
y wefan hon fel datganiad ffaith.
|
|
